maha maha المشرف العام
عدد المساهمات : 249 تاريخ التسجيل : 03/04/2009 العمر : 52 الموقع : ahlamontada.com
| موضوع: بيان عن حركة 6 ابريل 2009 الإثنين 06 أبريل 2009, 11:00 am | |
| إضراب حركة 6 إبريل
نبذة عن حركة 6 أبريل تشكلت ''حركة 6 ابريل'' العام الماضي من مجموعات من الشباب في مختلف محافظات مصر تعارفوا وتبادلوا الآراء والمعلومات من خلال موقع ''فيس بوك'' على شبكة الانترنت. وأطلق اسم ''حركة 6 ابريل'' على هؤلاء الناشطين الشباب بعد أن دعوا العام الماضي إلى إضراب عام احتجاجا على غلاء المعيشة، وحددوا له السادس من ابريل/ نيسان موعدا. وانتشرت هذه الدعوة على نطاق واسع في مصر من خلال الانترنت ورسائل الهواتف المحمولة، وتدخلت الشرطة في ذلك اليوم وأوقفت بضع مئات من الناشطين الذين كانوا يعتزمون تنظيم تظاهرات. ودعت ''حركة 6 ابريل'' هذا العام إلى ''يوم غضب'' في ذكرى انطلاقها وطالبت المصريين بارتداء ملابس سوداء والاعتصام في أماكن عملهم ومؤسساتهم التعليمية الاثنين الموافق السادس من ابريل/ نيسان ورفع النشطاء 4 مطالب لإضرابهم المقبل، تتمثل فى ربط الأجور بالأسعار، بما يضمن حياة كريمة للمواطن، وتشكيل جمعية تأسيسية من نخبة التكنوقراط المستقلين، على رأسهم القضاة، لصياغة دستور جديد للبلاد تكون نواته الأساسية نظام حكم جمهورى برلمانى حقيقى. ويختم هؤلاء بالقول "من حق جيلنا أن يجرب.. فإما أن ينجح.. أو يقدم تجربه تستفيد بها الأجيال الأخرىالبيان الاخير عن الحركه
اصدرت حركة شباب 6 أبريل بيانا قالت فيه: يوم الاثنين 6 ابريل 2009 لازم كل الناس يطالبوا بحقهم..طالب بحقك و خليك مصر عليه .. لا يسقط حق وراؤه مطالب.. يوم 6 ابريل هو يوم الغضب العام لو انت عامل يبقى فى يوم 6 ابريل توقف المكن و تعلن اضرابك علشان مطالبك المشروعة و لو حتى تعمل اضراب لوقت معين.. لو انت موظف يبقى تضرب عن العمل.. اعلن عن الاضراب داخل مصنعك أو مؤسستك او شركتك و طالب فى اليوم ده بحقوقك.. لو تقدر تجمع الناس و تعملوا اعتصام عند ادارة الشركة .. او ممكن تتجمعوا مع باقى عمال مصر عند الاتحاد العام لنقابات عمال مصر بشارع الجلاء.. لو طالب و بتعانى من التعليم السىء و المصاريف العالية يبقى روح الجامعة و امتنع عن الدراسة و شارك مع زمايلك فى المطالبة بالحقوق الطلابية اثناء التظاهرات و المسيرات داخل الجامعة … يوم الغضب و الإضراب هايبقى فى كل جامعات مصر.. لو انت مهندس و عايز نقابة حقيقية يبقى إعمل إضراب عن العمل و انضم للاعتصام أمام نقابة المهندسين.. لو أنت طبيب و بتطالب بالكادر شارك فى الوقفة الاحتجاجيه عند نقابة الأطباء.. لو انت سواق و بتعانى من اسعار البنزين ماتشتغلش يوم 6 ابريل.. لو انت صاحب محل يبقى اقفل محلك فى يوم 6 ابريل.. لو انت أى حاجة … شارك بأى صوره تحبها … نظم اضراب عن العمل أو نظم اعتصام صغير امام الاداره او شارك فى التظاهرات المعلن عنها أو امتنع عن شراء أى سلعة يوم 6 ابريل.. و لو خايف من كل ده يبقى خليك فى البيت أو لو هاتنزل يبقى تنزل من البيت و انت لابس اسود.. مفيش حاجه بتمنع انك تلبس اسود.. أماكن التظاهرات لو تحب تشارك الساعه 12 عند مبنى اتحاد نقابات عمال مصر بشارع الجلاء.. الساعه 3 عند نقابة الصحفيين وفيه وقفات احتجاجيه امام مقرات الاحياء و مقرات الحزب الوطنى و فى الميادين العامه بكل محافظة شارك بأى صوره تحبها .. لإن الحل الوحيد لسوء الاوضاع فى مصر اننا نقف مع بعض و نتكاتف ضد الحكومه الفاسدة اللى بتدبحنا كلنا.. فى الدول المتقدمه بنلاقى هناك الحكومه هى اللى بتخاف من الشعب و بتخاف تاخد اى قرار غلط.. و فى مصر بنلاقى الشعب هو اللى بيخاف من الحكومة.. و ده سبب كل بلاوينا لإننا احنا اللى بنسمحلهم بسرقتنا
| |
|